സാൻ കാർലോസ്, അമേരിക്കൻ ഐക്യനാടുകളിലെ കാലിഫോർണിയ സംസ്ഥാനത്ത് സാൻ മറ്റെയോ കൗണ്ടിയിൽ സ്ഥിതിചെയ്യുന്ന ഒരു നഗരമാണ്. ഇത് സാൻ ഫ്രാൻസിസ്കോ ഉപദ്വീപിൽ സാൻ ഫ്രാൻസിസ്കോ നഗരത്തിനും സാൻ ജോസ് നഗരത്തിനും ഇടയ്ക്ക് പകുതി ദൂരത്തിൽ സ്ഥിതിചെയ്യുന്നു. ബെൽമോണ്ട് (വടക്ക്), റെഡ്‍വുഡ് സിറ്റി (തെക്ക്) എന്നിവയ്ക്ക് ഇടയിലായി സ്ഥിതി ചെയ്യുന്നതും പ്രധാനമായി വാസഗേഹങ്ങൾ ഉൾപ്പെടുന്നതുമായ ഒരു ചെറിയ ഉപ നഗരമാണിത്. 2010 ലെ സെൻസസ് പ്രകാരമുള്ള ഈ നഗരത്തിലെ ആകെ ജനസംഖ്യ 28,406 ആയിരുന്നു.